بسم الله الرحمن الرحيم
اللهم صل على محمد وآل محمد
قصيدة : على المسموم مهمومة " عتاب الزهراء ع لشيعتها "
لجابر الكاظمي بصوت الملا باسم الكربلائي -حفظهما الله -:
\ \
/ /
\ \
/ /
\ \
[ندعوك للتسجيل في المنتدى أو التعريف بنفسك لمعاينة هذا الرابط]على المسموم مهمومة...الحسن مظلوم من يومه
ذكرت ابني...كثر حزني... الحسن مظلوم من يومه
************أنا المظلومة يا شيعة وإلي بصحن الكبد نارين
تشب لجل الحسن وحدة وتشب وحدة لمصاب حسين
فرق ما عندي باولادي وأنا اشعندي غير اثنين
الحسن روحي وأعز منها واحسين أغلى من العين
لكن هالليلة أرد أعتب وأعاتب شيعتي الطيبين
على احسين الدمع تجروه وكنكم للحسن ناسين
************الحزن لحسين وايتامه...الحسن ناسين آلامه
صدق ظني...وكثر حزني ... الحسن مظلوم من يومه
************يا شيعة والتعب روحي بلهيب المحنة مستعرة
ذكرت ابني الحسن لمّن قضى وأيتام إله تنظره
لو أن قلتوا لي عن احسين انذبح واعياله اتنظره
وقع بالطف وإجت يمّه الرباب تقبّله ابنحره
لكن ابني الحسن أصعب ابهاي الحالة وأشد أمره
عوض ما زوجته اتواسيه ولنها زوجته اتغدره
************ابن ذبحوه عدوانه...وابن غدروه أعوانه
هضم لني...كثر حزني...الحسن مظلوم من يومه
************بعد يا شيعة أخبركم خبر خلّى القلب ينضام
اذكرت ابني الحسن لمّن على نعشه حاطت الظلاّم
لو أن قلتوا لي كبد احسين السهم صابه وترك آلام
الحسن مثله انضرب نعشه ويا ميت رموه بسهام
لو أن قلتوا لي شاف احسين بنينه على الترب أجسام
الحسن هم حضر لأرض الطف وشاف على الأرض جسّام
************الهضم يزداد واللوعة...على الأولاد مفجوعة
اشظهر مني...وكثر حزني ... الحسن مظلوم من يومه
************على المسموم مهمومة...الحسن مظلوم من يومه
ذكرت ابني...كثر حزني... الحسن مظلوم من يومه
